Qendra e Burimeve për Shoqëri Civile në Kosovë, vizitoi Gjakovën dhe Ferizajn për të bashkëbiseduar me qytetarë/e rreth vullnetarizmit dhe rëndësisë së angazhimit në komunitet.
07/10/2026
Mbi 20 pjesëmarrës/e nga 19 organizata përfunduan tri modulet e Akademisë, duke fituar njohuri dhe mjete praktike për planifikimin financiar, prokurimin, kontrollin e brendshëm, raportimin financiar dhe llogaridhënien.
Nën udhëheqjen e ligjërueses Sanije Shabanaj, eksperte e menaxhimit financiar, pjesëmarrësit/et zhvilluan njohuritë dhe shkathtësitë e tyre përmes sesioneve interaktive dhe ushtrimeve praktike, me fokus në menaxhimin efektiv financiar dhe forcimin e sistemeve të brendshme të organizatave.
Në modulin e fundit, pjesëmarrësit/et bashkëbiseduan me Zana Bucaliun, ushtruese e detyrës së Drejtores së Departamentit të Shërbimit dhe Regjistrimit për Tatimpagues në Administratën Tatimore të Kosovës (ATK), për rëndësinë e raportimit dhe deklarimit tatimor dhe përmbushjen e obligimeve fiskale nga OShC-të.
Përmes këtij programi, KCSF synon të forcojë praktikat e menaxhimit financiar, transparencën dhe llogaridhënien e organizatave ndaj donatorëve, komuniteteve dhe publikut.
Së shpejti, Akademia vazhdon me grupin e dytë të OShC-ve, të cilat do të ndjekin të njëjtin program trajnues.
Akademia organizohet në kuadër të Qendrës së Burimeve për Shoqërinë Civile në Kosovë.
Ky aktivitet bashkëfinancohet nga Bashkimi Evropian dhe Suedia. Përmbajtja e tij është përgjegjësi e vetme e Fondacionit Kosovar për Shoqëri Civile (KCSF) dhe Community Building Mitrovica (CBM) dhe nuk pasqyron domosdoshmërisht pikëpamjet e Bashkimit Evropian ose të Suedisë.
