Nis moduli “Avokimi pjesëmarrës” në kuadër të Shkollës për Aktivizëm

“Avokimi pjesëmarrës”, ishte tema e modulit të katërt të Shkollës për Aktivizëm. Mbi 20 pjesëmarrës që përfaqësojnë Organizata të Shoqërisë Civile (OShC) nga e tërë Kosova, përgjatë tri ditëve patën rastin të marrin informata teorike dhe të përfshihen në pjesën praktike të trajnimit lidhur me mekanizmat e OShC-ve për avokim dhe rolin e qytetarëve në politikëbërje.

Në fokus të këtij moduli ishin çështjet që lidhen me përfshirjen e komunitetit në punën e OSHC-ve, ciklin e politikëbërjes, rolin e qytetarëve në proceset e politikëbërjes dhe vendimmarrjes, mekanizmat kryesorë formal për pjesëmarrjen e qytetarëve në procesin e politikëbërjes në nivel lokal dhe nacional si dhe mekanizmat ekzistues dhe pikënisjen për pjesëmarrjen e qytetarëve në procesin e integrimit të Kosovës në BE.

Shkolla për Aktivizëm organizohet në kuadër të Qendrës së Burimeve për Shoqëri Civile në Kosovë, projekt që financohet nga Bashkimi Europian, bashkë-financohet nga Suedia dhe zbatohet nga Fondacioni Kosovar për Shoqëri Civile (KCSF) dhe Community Building Mitrovica (CBM).