Qendra e Burimeve për Shoqëri Civile në Kosovë
Qendra e Burimeve për Shoqëri Civile në Kosovë është një hapësirë mbështetëse për qytetarët dhe organizatat e shoqërisë civile (OShC), me qëllim fuqizimin e demokracisë pjesëmarrëse dhe përkrahjes së rrugës së Kosovës drejt integrimit në Bashkimin Evropian. Nëpërmjet shërbimeve të saj, Qendra synon të kontribuojë në ngritjen e kapaciteteve të OShC-ve, forcimin e rrjeteve të bashkëpunimit dhe përkrahjen e aktivizmit qytetar.
Fondacioni Kosovar për Shoqëri Civile (KCSF)
Fondacioni Kosovar për Shoqëri Civile (KCSF) është një organizatë e pavarur që prej vitit 1998 luan një rol qendror në fuqizimin dhe zhvillimin e shoqërisë civile në Kosovë. Duke u bazuar në përvojë të gjatë, profesionalizëm dhe angazhim për ndryshim shoqëror, KCSF punon për të ndërtuar një mjedis të favorshëm për organizatat dhe qytetarët aktivë që kontribuojnë në një Kosovë demokratike, të barabartë dhe gjithëpërfshirëse. Si një ndër organizatat më me ndikim në vend, KCSF përkrah shoqërinë civile përmes mbështetjes financiare, zhvillimit të kapaciteteve, nxitjes së pjesëmarrjes në politikëbërje dhe avokimit për një kornizë ligjore e institucionale më të mirë për veprimtarinë e OShC-ve.
Community Building Mitrovica (CBM)
Community Building Mitrovica (CBM) është një organizatë joqeveritare që nga viti 2001 punon për ndërtimin e një shoqërie të qëndrueshme, gjithëpërfshirëse dhe demokratike në Mitrovicë dhe përtej saj. Me një qasje afatgjatë dhe gjithëpërfshirëse, CBM promovon bashkëjetesën ndërmjet komuniteteve, forcimin e kapaciteteve të qytetarëve dhe nxitjen e pjesëmarrjes aktive në zhvillimin e komunitetit.
