Procesi i Mentorimit për OShC ofrohet falas për pjesëmarrësit/et e Shkollës për Aktivizëm

Përfaqësuesit/et e organizatave që përfunduan suksesshëm Shkollën për Aktivizëm-Edicioni 2, u njoftuan nga afër me mundësinë e përfitimit të ekspertizës në fusha të ndryshme nga procesi i Mentorimit që ofrohet falas për pjesëmarrësit/et e Shkollës.

Gjatë një pritje në ambientet e KCSF-së, patën rastin të shkëmbejnë ide dhe të paraqesin nevojat momentale që kanë organizatat e tyre, e të cilat do të mund të mbështeteshin përmes mentorimit dhe krijimit të grupeve sektoriale për procesin e integrimit evropian. Njëkohësisht ata/ato pranuan certifikatat finale të pjesëmarrjes në gjeneratën e dytë të Shkollës për Aktivizëm.

OShC-të në Kosovë mund t’i drejtohen Qendrës Burimore për mentorim në organizatën e tyre, pavarësisht nëse kanë qenë pjesë e Shkollës për Aktivizëm apo jo.

Detajet rreth fushave që mbështeten përmes mentorimit i gjeni këtu: https://bit.ly/3Bzoo3d