Publikohet Kalendari për Konsultimet ndërmjet Bashkimit Europian dhe Organizatave të Shoqërisë Civile në Kosovë për vitin 2022

Zyra e BE-së në Kosovë ka publikuar kalendarin e takimeve duke përfshirë Nën-komitetet e Marrëveshjes së Stabilizim Asociimit, Programet IPA, Programin e Reformës Ekonomike dhe Raportet Vjetore që do të mbahen ndërmjet BE-së dhe OShC-ve në Kosovë.

Duke qenë se shoqëria civile mbetet një partner kyç për të zhvilluar dhe zbatuar politikat e BE-së, si dhe për të monitoruar dhe rishikuar progresin, BE-ja përpiqet të sigurojë që shoqëria civile mund të ofrojë të dhëna, të ndajë pikëpamjet dhe të marrë pjesë në hartimin e politikave të BE-së në mënyrë të pavarur, thelbësore dhe transparente në të gjitha fushat relevante të procesit integrimit të Kosovës në BE.

Nëse jeni organizatë/përfaqësues i shoqërisë civile që dëshironi të kontribuoni në punën e Zyrës së BE-së, ju ftojmë të shikoni kalendarin e vitit 2022 për konsultime. Kontributi juaj do të jetë i një rëndësie të madhe, qoftë në kontekstin e Takimeve të Nën-komiteteve të Marrëveshjes së Stabilizim Asociimit (MSA), Programet IPA, Programin e Reformës Ekonomike (ERP), apo Raportin Vjetor.

Ju lutemi, kontaktoni  Qendrën e Burimeve për Shoqëri Civile në Kosovë për të shprehur interesimin për t’iu bashkuar ndonjërit prej takimeve që ju e shihni të rëndësishme përmes emailit të mëposhtëm:

rc-kosovo@kcsfoundation.org

Ju lutemi, vini re se datat janë indikative dhe mund të jenë subjekt i ndryshimeve. Koha e saktë, vendndodhja dhe agjenda do t’u komunikohet në një fazë të mëvonshme palëve të interesuara.

Regjistrohuni për tu bërë pjesë e grupeve sektoriale  këtu.