Sesion informues për deklarimin vjetor financiar në  Administratën Tatimore të Kosovës (ATK) për OJQ-të në Ferizaj

Sesioni informues për deklarimin vjetor financiar të OJQ-ve në  Administratën Tatimore të Kosovës (ATK) është mbajtur në komunën e Ferizajt.

Përfaqësues të Organizatave të Shoqërisë Civile (OShC), janë informuar se si të realizojnë në mënyrë korrekte deklarimin e pasqyrave financiare dhe deklarimin vjetor të tatimit (CD) për OJQ.

Udhëzimet dhe shpjegimet e nevojshme se cilat janë obligimet e organizatave në këtë proces dhe se si ta realizojnë procedurën e deklarimit në mënyrë të duhur i kanë ofruar për pjesëmarrësve, ligjëruesi Fatlum Gogiqi dhe Naim Havolli, zëvendësdrejtor i Departamentit për Regjistrim dhe Shërbim të Tatimpaguesve në ATK.

Qendra e Burimeve për Shoqëri Civile në Kosovë, gjatë këtij cikli të sesioneve informuese lidhur me deklarimin financiar të OJQ-ve në ATK,  ka ofruar informacione të nevojshme rreth kësaj çështje për organizatat në: Prizren, Mitrovicë, Gjilan, Gjakovë, Graçanicë, Pejë, Ferizaj dhe Prishtinë.