Sesion informues për deklarimin vjetor financiar në  Administratën Tatimore të Kosovës (ATK) për OJQ-të në komunën e Gjakovës 

Në vazhdimësi të ciklit të infosesioneve për deklarimin vjetor financiar të OJQ-ve në  Administratën Tatimore të Kosovës (ATK), sesioni informues është mbajtur edhe në komunën e Gjakovës.

Udhëzimet dhe shpjegimet e nevojshme se si të realizohet në mënyrë korrekte deklarimi i pasqyrave financiare dhe deklarimi vjetor i tatimit (CD) për OJQ, pjesëmarrësit i kanë marrë nga ligjëruesi Fatlum Gogiqi dhe Afërdita Shabani, udhëheqëse e shërbimit të tatimpaguesve në ATK.

Qendra e Burimeve për Shoqëri Civile në Kosovë, gjatë këtij cikli të sesioneve informuese lidhur me deklarimin financiar të OJQ-ve në ATK,  ka ofruar informacione të nevojshme rreth kësaj çështje për organizatat në: Prizren, Mitrovicë, Gjilan, Gjakovë, Graçanicë, Pejë, Ferizaj dhe Prishtinë.