Shoqëria Civile si partner kyç – konsultimet në vitin 2023

BE-ja përpiqet të sigurojë që shoqëria civile mund të ofrojë të dhëna kuptimplota, të ndajë pikëpamjet dhe shqetësimet dhe të marrë pjesë në politikëbërjen e BE-së në mënyrë të pavarur, thelbësore dhe transparente në të gjitha fushat relevante për marrëdhëniet BE-Kosovë. Duke qenë se shoqëria civile mbetet një partner kyç për të zhvilluar dhe zbatuar politikat e BE-së, si dhe për të monitoruar dhe rishikuar progresin, gjatë gjithë vitit, Zyra e BE-së organizon një sërë takimesh konsultuese. Në këtë mënyrë, ju mund të kontribuoni në punën tonë këtu në Kosovë. Ne llogarisim në mbështetjen tuaj.

Nëse jeni përfaqësues i shoqërisë civile dhe dëshironi të kontribuoni në punën e Zyrës së BE-së, ju ftojmë të kontrolloni në vazhdim kalendarin tregues të vitit 2023 për konsultime. Kontributi juaj do të jetë i një rëndësie të madhe, qoftë në kontekstin e Takimit të Nënkomisionit të Marrëveshjes së Stabilizim Asociimit (MSA), Programeve IPA, Programit të Reformës Ekonomike (ERP), apo Raportit Vjetor të Kosovës.

Ju lutemi kontaktoni Qendrën e Burimeve të Shoqërisë Civile, të projektit të financuar nga BE-ja, për të shprehur interesimin për t’iu bashkuar ndonjë prej takimeve që ju duken relevante:  rc-kosovo@kcsfoundation.org

Ju lutemi, kini parasysh se datat janë tentative dhe mund të jenë subjekt i ndryshimeve. Koha e saktë, vendndodhja dhe agjenda do t’ju komunikohen në një fazë të mëvonshme palëve të interesuara. Faleminderit për mbështetjen tuaj.